AÍWAGGĒLJŌ ÞAÍRH MAÞÞIU

1 Atsaíƕiþ armaiōn izwara ni táujan in andwaírþja mannē du saíƕan im; aíþþáu láun ni habáiþ fram attin izwaramma þamma in himinam.

2 Þan nu táujáis armaiōn, ni haúrnjáis faúra, þus, swaswē þái liutans táujand in gaqumþim, jah in garunsim, ei háuhjáindáu fram mannam; amēn qiþa izwis: andnēmun mizdōn sema.

3 Iþ þuk táujandan armaiōn ni witi hleidumei þeina, ƕa táujiþ taíhswō þeina,

4 ei sijái sō armahaírtiþa þeina in fulhsnja, jah atta þeins saei saíƕiþ in fulhsnja, usgibiþ þus in baírhtein.

5 Jah þan bidjáiþ, ni sijáþ swaswē þái liutans, untē frijōnd in gaqumþim jah waíhstam plapjō standandans bidjan, ei gáumjáindáu mannam. Amēn, qiþa izwis þatei haband mizdōn seina.

6 Iþ þu þan bidjáis, gagg in hēþjōn þeina, jah galūkands haúrdái þeinái bidei du attin þeinamma þamma in fulhsnja, jah atta þeins saei saíƕiþ in fulhsnja, usgibiþ þus in baíhtein.

7 Bidjandansuþ-þan ni filuwaúrdjáiþ, swaswē þái þiudō; þugkeiþ im áuk ei in filuwaúrdein seinái andháusjáindáu.

8 Ni galeikōþ nu þáim; wáit áuk atta izwar þizei jus þaúrbuþ, faúrþizei jus bidjáiþ ina.

9 Swa, nu bidjáiþ jus: Atta unsar þu in himinam, weihnai namō þein.

10 Qimai þiudinassus þeins. Waírþái wilja þeins, swē in himina jah ana aírþai.

11 Hláif unsarana þana sinteinan gif uns himma daga.

12 Jah aflēt uns þatei skulans sijáima, swaswē jah weis aflētam þáim skulam unsaráim.

13 Jah ni briggáis uns in fráistubnjái ak láusei uns af þamma ubilin; untē þeina ist þiudangardi jah mahts jah wulþus in aiwins. Amēn.

14 Untē jabái aflētiþ mannam missadēdins izē, aflētiþ jah izwis alta izwar sa ufar himinam.

15 Iþ jabái ni aflētiþ mannam missadēdins izē, ni þáu atta izwar aflētiþ missadēdins izwarōs.

16 Aþþan biþē fastáiþ, ni waírþáiþ swaswē þái liutans gáurái; (frawardjand áuk andwaírþja seina, ei gasaíƕáindáu mannam fastandans. Amēn, qiþa izwis, þatei andnēmun mizdōn seina.

17 Iþ þu fastands salbō háubiþ þein, jah ludja þeina þwah,

18 ei ni gasaíƕáizáu mannam fastands, ak attin þeinamma þamma in fulhsnja, jah atta þeins saei saíƕiþ in fulhsnja, usgibiþ þus.

19 Ni huzdjáiþ izwis huzda ana aírpái, þarei malō jah nidwa frawardeiþ, jah þarei þiubōs ufgraband jah hlifand.

20 Iþ huzdjáiþ izwis huzda in himina, þarei nih malō nih nidwa frawardeiþ, jah þarei þiubōs ni ufgraband nih stiland.

21 Þarei áuk ist huzd izwar, þaruh ist jah haírtō izwar.

22 Lukarn leikis ist áugō: jabái nu áugō þein áinfalþ ist, allata leik þein liuhadein waírþiþ;

23 iþ jabái áugō pein unsēl ist, allata leik þein riqizein waírþiþ. Jabái nu liuhaþ þata in þus riqiz ist, þata riqiz ƕan filiu!

24 Ni manna mag twáim fráujam skalkinōn; untē jabái fijáiþ áinana, jah anþarana frijōþ; aíþþáu áinamma ufhá useiþ, 204iþ anþaramma frakann. Ni maguþ guþa skalkinōn jah mammōnin.

25 Duþþē qiþa izwis: ni maúrnáiþ sáiwalái izwarái ƕa matjáiþ jah ƕa drigkáiþ, nih leika izwaramma ƕē wasjáiþ; niu sáiwala máis ist fōdeinái jah leik wastjom?

26 Insaíƕiþ du fuglam himinis, þei ni saiand nih sneiþand, nih lisand in banstins, jah atta izwar sa ufar himinam fōdeiþ ins. Niu jus máis wulþrizans sijuþ þáim?

27 Iþ ƕas izwara máurnands mag anaáukan ana wahstu seinana aleina áina?

28 Jah bi wastjōs ƕa saúrgáiþ?Gakunnáiþ blōmans hárþjōs, ƕáiwa wahsjand; nih arbáidjand nih spinnand.

29 Qiþuh þan izwis þatei nih Saúlaúmōn in allamma wulþáu seinamma gawasida sik swē áins þizē.

30 Jah handē þata hawi háiþjōs himma daga wisandō jah gistradagis in aúhn galagiþ guþ swa wasjiþ, ƕáiwa máis izwis, leitil galáubjandans?

31 Ni maúrnáiþ nu, qiþandans: ƕa matjam aíþþáu ƕa drigkam, aíþþáu ƕē wasjáima?

32 All áuk þata þiudōs sōkjand; wáituh þan atta izwar sa ufar himinam þatei þaúrbuþ — —

1 Dalaþ þan atgaggandin imma af faírgunja, láistidēdun afar imma iumjōns managōs.

2 Jah sái, manna brūtsfill habands durinnands inwáit ina qiþands: fráuja jabái wileis, magt mik gahráinjan.

3 Jah ufrakjands handu attaítōk imma qiþands: wiljáu, waírþ hráins! jah suns hráin warþ þata þrūtsfill is.

4 Jah qaþ imma Iēsus: saíƕ ei mann ni qiþáis, ak gagg, þuk silban atáugei gudjin, jah atbaír giba þōei anabáuþ Mōsēs du weitwōdiþái im.

5 Afaruh þan þata inn atgaggandin imma in Kafarnaum, duatiddja. imma hundafaþs bidjands ina,

6 jah qiþands: fráuja, þiumagus meins ligiþ in garda usliþa, harduba balwiþs.

7 Jah qaþ du imma Iēsus: ik qimands gaháilja ina.

8 Jah andhafjands sa hundafaþs qaþ: fráuja, ni im waírþs ei uf hrōt mein inn gaggáis, ak þatáinei qiþ waúrda jah gaháilniþ sa þiumagus meins.

9 Jah áuk ik manna im habands uf waldufria meinamma gadraúhtins, jah qiþa du þamma: gagg, jah gaggiþ; jah anparamma: qim, jah qimiþ; jah du skalka meinamma: taweiþata, jah táujiþ.

10 Gaháusjands þan Iēsus sildaleikida jah qaþ du þáim afarláistjandam: amēn, qiþa izwis, ni in Israēla swalauda galáubein bein bigat.

11 Aþþan qiþa izwis þatei managái fram urrunsa jah saggqa qimand, jah anakumbjand miþ Abrahama jah Isaka. jah Iakōba in þiudangarjái himinē:

12 iþ þái sunjus þiudangardjōs uswaírpanda in riqis þata hindumistō; jáinar waírþiþ grēts jah krusts tunþiwē.

13 Jah qaþ Iēsus þamma hundafada: gagg, jah swaswē galáubidēs waírþái þus. Jah gaháilnōda sa þiumagus is in jáinái ƕeilái.

14 Jah qimands Iēsus in garda Paítráus, gasaƕ swaíhrōn is ligandein jah in heitōm.

15 Jah attaítōk handáu izōs jah aflaílōt ija sō heitō; jah urráis jah andbahtida imma.

16 At andanahtja þan waúrþanamma, atbērun du imma daimōnarjans managans, jah uswarp þans ahmans waúrda, jah allans þans ubil habandans gaháilida,

17 ei usfullnōdēdi þata gamēlidō þaírh Ēsaïan praúfetu qiþandan: sa unmahtins unsarōs usnam jah saúhtins usbar.

18 Gasaíƕands þan Iēsus managans hiuhmans bi sik, haíháit galeiþan sipōnjans hindar marein.

19 Jah duatgaggands áins bōkareis qaþ du imma: láisari, láistja þuk, þisƕaduh þadei gaggis.

20 Jah qaþ du imma Iēsus: faúhōns grōbōs áigun, jah fuglōs himinis sitlans, iþ sunus mans ni habáiþ ƕar háubiþ sein anahnáiwjái.

21 Anþaruh þan sipōnjē is qaþ du imma: fráuja, usláubei mis frumist galeiþan jah gafilhan attan meinana.

22 Iþ Iēsus qaþ du imma: láistei afar mis, jah lēt þans dáuþans filhan seinans dáupans.

23 Jah inn atgaggandin imma in skip, afar iddjēdun imma sipōnjōs is.

24 Jah sái, wēgs mikils warþ in marein, swaswē þata skip gahuliþ waírþan fram wēgim; iþ is saíslēp.

25 Jah duatgaggandans sipōnjōs is urráisidēdun ina qiþandans: fráuja, nasei unsis, fraqistnam.

26 Jah qaþ du im Iēsus: ƕa faúrhteiþ, leitil galáubjandans! Þanuh urreisands gasōk windam jah marein, jah warþ wis mikil.

27 Iþ þái mans sildaleikidēdun qiþandans: ƕfleiks ist sa, ei jah windōs jah marei ufháusjand imma?

28 Jah qimandin imma hindar marein in gáuja Gaírgaísainē, 208gamōtidēdun imma twái daimōnarjōs us hláiwasnōm rinnandans, sleidjái filu, swaswē ni mahta manna usleiþan þaírh þana wig jáinana.

29 Jah sái, hrōpidēdun qiþandans: ƕa uns jah þus, Iēsu, sunáu guþs? qamt hēr faúr mēl balwjan unsis?

30 Wasuh þan faírra im haírda sweinē managáizē haldana.

31 Iþ þō skōhsla bēdun ina qiþandans: jabái uswaírpis uns, usláubei uns galeiþan in þō haírda sweinē.

32 Jah qaþ du im: gaggiþ! Iþ eis usgaggandans galiþun in haírda sweinē; jah sái, run gawaúrhtēdun sis alla sō haírda and driusōn in marein, jah gadáuþnōdēdun in watnam.

33 Iþ þái haldandans gaþlaúhun jah galeiþandans gataíhun in baúrg all bi þans daimōnarjans.

34 Jah sái, alla sō baúrgs usiddja wiþra Iēsu, jah gasaíƕandans ina bēdun ei usliþi hindar markōs izē.

1 Jah warþ, biþē usfullida Iēsus anabiudands þáim twalif sipōnjam seináim, ushōf sik jáinþrō du láisjan jah mērjan and baúrgs izē.

2 Iþ Iōhannēs gaháusjands in karkarái waúrstwa Xristáus, insandjands bi sipōnjam seináim qaþ du imma:

3 þu is sa qimanda þáu anþarizuh beidáima?

4 Jah andhaf jands Iēsus qaþ du im: gaggandans gateihiþ Iōhannē þatei gaháuseiþ jah gasaíƕiþ

5 Blindái ussaíƕand, jah haltái gaggand, þrūtsfillái hráinjái waírþand, jah báudai gaháusjand, jah dáuþái urreisand, jah unlēdáhwaílamērjanda:

6 jah áudags ist ƕazuh saei ni gamariziada in mis.

7 At þáim þan afgaggandam, dugann Iēsus qiþan þáim manageim bi Iōhannēn: ƕa usiddjēduþ ana áuþida saíƕan? ráus fram winda wagidata?

8 Akei ƕa usiddjēduþ saíƕan? mannan hnasqjáim wastjōm gawasidana? Sái, þáiei hnasqjáim wasidái sind, in gardim þiudanē sind.

9 Akei ƕa usiddjēduþ saíƕan? praúfētu? Jái, qiþa izwis: jah managizō praúfētáu.

10 Sa ist áuk bi þanei gamēliþ ist sái. ik insandja aggilu meinana faúra þus, saei gamanweiþ wig þeinana faúra bus.

11 Amēn,qiþa izwis: ni urráisin baúrim qinōnō máiza Iohannē þamma dáupjandin; iþ sa minniza, in þiudangardjái himinē máiza imma ist.

12 Framuh þan þáim dagam Iōhannis þis dáupjandins und hita þíudangardi himinē anamahtjada, jah anamahtjandans frawilwand þō.

13 Allái áuk praúfēteis jah witōþ und Iōhannē faúraqēþun:

14 jah jabái wildēdeiþ miþ niman, sa ist Hēlias. saei skulda qiman.

15 Saei habái áusona háusjandōna, gaháusjái.